ພິທີເກັບກັກນ້ຳຂອງໂຄງການເຂື່ອນໄຟຟ້ານ້ຳຄານ 3 ຢູ່ທີ່ເມືອງ:ຊຽງເງິນ ແຂວງຫຼວງພະບາງ

20-09-2016.



ໃນຕອນເຊົ້າຂອງວັນທີ4 ກຸມພາ 2016 ທີ່ຜ່ານມາ, ຢູ່ທີ່ເມືອງ:ຊຽງເງິນ ແຂວງຫຼວງພະບາງ ໄດ້ມີພິທີເກັບກັກນ້ຳຂອງໂຄງການເຂື່ອນໄຟຟ້ານ້ຳຄານ 3 ໂດຍການເປັນປະທານຂອງ ທ່ານ ດຣ ບົວຄົງ ນາມມະວົງ ຮອງເຈົ້າແຂວງໆຫຼວງພະບາງ, ທ່ານ ທອງເພັດ ດ້ວງເງິນ ຮອງຜູ້ອຳນວຍການໃຫຍ່ ໄຟຟ້າລາວ ມີເຈົ້າເມືອງ ຮອງເຈົ້າເມືອງ ພະແນກພະລັງງານ-ບໍ່ແຮ່ແຂວງ ຫົວໜ້າໂຄງການ ແລະ ແຂກທີ່ຖືກເຊີນເຂົ້າຮ່ວມ. ໂຄງການເຂື່ອນໄຟຟ້ານ້ຳຄານ 3 ເປັນເຂື່ອນໄຟຟ້ານ້ຳຕົກຂອງລັດຖະບານທີ່ມອບໃຫ້ລັດວິສາຫະກິດໄຟຟ້າລາວເປັນຜູ້ຈັດຕັ້ງປະຕິບັດ, ມີກຳລັງຕິດຕັ້ງ 60 MW ມີໄລຍະການກໍ່ສ້າງ42ເດືອນ ເລີ່ມການກໍ່ສ້າງ ເດືອນ 11/2012 ຄາດວ່າຈະໃຫ້ສຳເລັດ ເດືອນ 6 ປີ 2016, ໄຟຟ້າທີ່ຜະລິດໄດ້ຈະສົ່ງເຂົ້າລະບົບໄຟຟ້າລາວ ເພື່ອສະໜອງໃຫ້ພາຍໃນປະເທດ ໂດຍສະເພາະບັນດາແຂວງພາກເໜືອ.