ກອງປະຊຸມຜ່ານບົດສະຫຼຸບຜົນການດໍາເນີນງານໂຄງການຮ່ວມມືດ້ານ ເຕັກນິກ-ວິຊາການລະຫວ່າງ ລັດວິສາຫະກິດໄຟຟ້າລາວ (EDL) ແລະ ການໄຟຟ້າສ່ວນພູມິພາກ (PEA) ປະຈໍາປີ 2016



          ກອງປະຊຸມຜ່ານບົດສະຫຼຸບຜົນການດໍາເນີນງານໂຄງການຮ່ວມມືດ້ານ ເຕັກນິກ-ວິຊາການ ລະຫວ່າງ ລັດວິສາຫະກິດໄຟຟ້າລາວ(EDL) ແລະ ການໄຟຟ້າສ່ວນພູມິພາກ (PEA) ປະຈໍາປີ 2016. ໄດ້ໄຂຂຶື້ນໃນ ວັນທີ 7 ທັນວາ 2017 ທີ່ໂຮງແຮມ ຈໍາປາສັກແກຣນ.ໂດຍການເປັນປະທານຂອງ ທ່ານ  ບຸນອູ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ແລະ ທ່ານ ເສີມສະກຸນ ຄຣ້າຍແກ້ວ ຜູ້ວ່າການ ການໄຟຟ້າສ່ວນພູມິພາກ,ພ້ອມດ້ວຍຄະນະກຳມະການຮ່ວມມືດ້ານການເຕັກນິກວິຊາການລະຫວ່າງ ຟຟລ ແລະ ກຟພ ເຂົ້າຮ່ວມ.ຈຸດປະສົງຫຼັກຂອງ​​ກອງ​ປະຊຸມໃນຄັ້ງນີ້ ​ແມ່ນ​​ເພື່ອ​ທວນຄືນກ່ຽວກັບເນື້ອໃນ ​ແລະ ຂໍ້ຄົງຄ້າງ ຈາກການປະຊຸມຄັ້ງ ທີ່ຜ່ານມາ  ເຊີ່ງໄດ້ສະແດງໃຫ້ເຫັນເຖິງຄວາມເອົາໃຈໃສ່ຂອງທັງສອງອົງກອນຕໍ່ກັບການຮ່ວມມື ເພື່ອພັດທະນາບຸກຄະລາກອນ ແລະ ເພື່ອແລກປ່ຽນຄວາມຮູ້-ຂໍ້ມູນຂ່າວສານທາງດ້ານວິຊາການ ແລະ ປະສົບການດ້ານການດຳເນີນວຽກງານໄຟຟ້າ ລະຫວ່າງສອງການໄຟຟ້າດ້ວຍກັນ ເຊັ່ນ: ການຈັດການຝຶກອົບຮົມ, ມອບທຶນການສຶກສາລະດັບປະລິນຍາໂທ ສາຂາວິສະວະກຳໄຟຟ້າ, ພ້ອມ​ທັງວາງ​ແຜນການເພື່ອ​ແກ້​ໄຂ​ບັນຫາ​ທີ່​ຄາດຄະເນວ່າ​ຈະ​ເກີດ​ຂຶ້ນ​ໃນ​ປີຕໍ່​ໄປ ເພື່ອຄວາມກ້າວໜ້າໃນທຸລະກິດໄຟຟ້າແບບຍືນຍົງ, ນອກ​ນັ້ນ ຟຟລ-ກຟພ ຍັງໄດ້ມີການແລກປ່ຽນຊື້-ຂາຍພະລັງງານໄຟຟ້າລະຫວ່າງກັນ ແລະ ເພື່ອສ້າງຄວາມເຂັ້ມແຂງໃຫ້ທັງສອງອົງກອນ ໃຫ້ມີມິດຕະພາບ ແລະ ຄວາມສຳພັນອັນດີງາມ ຈຶ່ງໄດ້ມີການຈັດການແຂ່ງຂັນກິລາມິດຕະພາບ ລະຫວ່າງ ຟຟລ ແລະ ກຟພ ເປັນປະຈຳທຸກໆປີ.

ສາມາດເບິ່ງຮູບພາບເພີ່ມເຕີມໄດ້ທີ່ https://www.facebook.com/Edllao/posts/537523123247734