ການແຂ່ງຂັນກິລາມິດຕະພາບປະຈຳປີ 2017 ລະຫວ່າງລັດວິສາຫະກິດໄຟຟ້າ ລາວ ແລະ ການໄຟຟ້າຝ່າຍຜະລິດແຫ່ງ ປະເທດໄທ



              ເພື່ອເປັນການສ້າງສາຍພົວພັນໃຫ້ແໜ້ນແຟ້ນຂື້ນ ໃນວັນທີ 10 ກຸມພາ 2017 ໄດ້ມີການຈັດພິທີເປີດການແຂ່ງຂັນກິລາມິດຕະພາບຂື້ນທີ່ນະຄອນຫລວງວຽງຈັນ ລະຫວ່າງ ລັດວິສາຫະກິດໄຟຟ້າລາວ ແລະ ການໄຟຟ້າຝ່າຍຜະລິດແຫ່ງປະເທດໄທ ຊື່ງການຈັດງານໃນຄັ້ງນີ້ທາງລັດວິສາຫະກິດໄຟຟ້າລາວ ໄດ້ຮັບກຽດເປັນເຈົ້າພາບຈັດງານດັ່ງກ່າວ, ໂດຍການເປັນປະທານຂອງ ທ່ານ ບຸນອູ້ມ  ສີວັນເພັງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ, ທ່ານ ກໍໍລະສິດ ພັກໂຊຕານົນ ຜູ້ວ່າການ ການໄຟຟ້າຝ່າຍຜະລິດແຫ່ງປະເທດໄທ ພ້ອມດ້ວຍຄະນະ, ນັກກິລາ ແລະ ກອງເຊຍຂອງທັງສອງຝ່າຍກໍ່ເຂົ້າຮ່ວມຢ່າງພ້ອມພຽງ. ຈຸດປະສົງໃນການຈັດງານໃນຄັ້ງນີ້ກໍ່ເພື່ອເປີດໂອກາດໃຫ້ພະນັກງານວິຊາການທັງສອງຝ່າຍໄດ້ມີໂອການແລກປ່ຽນຄວາມຮູ້ຖອດຖອນບົດຮຽນຊື່ງກັນ ແລະ ກັນ ທາງດ້ານເຕັກນິກວິຊາການ ແລະ ພ້ອມດຽວກັນນັ້ນກໍ່ເພື່ອເປັນການຊຸກຍູ້ສົ່ງເສີມໃຫ້ພະນັກງານທັງສອງຝ່າຍໃຫ້ເປັນນ້ຳໜື່ງໃຈດຽວກັນ ແລະ ເພື່ອສ້າງຄວາມສາມັກຄີໃຫ້ພະນັກງານທັງຝ່າຍໃຫ້ແໜ້ນແຟ້ນ ການແຂ່ງຂັນໃນຄັ້ງນີ້ແບ່ງອອກເປັນ 4 ປະເພດຄື: ກິລາບານເຕະ, ກິລາຕີກ໋ອບ, ກິລາເປຕັງ ແລະ ກິລາແບັດບິນຕັນ ການແຂ່ງຂັນທັງ 4 ປະເພດນີ້ ກໍ່ໄດ້ແຂ່ງຂັນຈົບລົງດ້ວຍມິດຕະພາບ ແລະ ຄວາມມ່ວນຊື່ນ ເຊິ່ງຄັ້ງນີ້ແມ່ນລັດວິສາຫະກິດໄຟຟ້າລາວ ເປັນເຈົ້າພາບ ແລະ ຄັ້ງຕໍ່ໄປ ແມ່ນທາງການໄຟຟ້າຝ່າຍຜະລິດແຫ່ງປະເທດໄທຈະໄດ້ເປັນເຈົ້າພາບແລະເພື່ອສຶບຕໍ່ສາຍພົວພັນອັນດີງາມນີ້ໄວ້ຕະຫຼອດໄປ.