ການຊື້-ຂາຍໄຟຟ້າ ລະຫວ່າງ ສປປ ລາວ ແລະ ລາຊະອານາຈັກກຳປູເຈຍ

07-03-2019.




      ໃນວັນທີ 5 ມີນາ ປີ 2019, ໄດ້ມີພິທີລົງນາມ ສັນຍາຊື້-ຂາຍພະລັງງານໄຟຟ້າ ໃນລະດັບແຮງດັນ 230/500 kV ລະຫວ່າງ ລັດວິສາຫະໄຟຟ້າລາວ (EDL) ແລະ ໄຟຟ້າກຳປູເຈຍ (EDC) ຢູ່ທີ່ແຂວງ ສຸລາດທານີ ປະເທດໄທ.  ຝ່າຍ ສປປ ລາວ ຕ່າງໜ້າລົງນາມໂດຍ   ທ່ານ ບຸນອູ້ມ  ສີວັນເພັງ  ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ແລະ ຝ່າຍລາຊະອານາຈັກກຳປູເຈຍ ທ່ານ ແກ້ວ ລັດຕະນະ  ຜູ້ອໍານວຍການໃຫຍ່ໄຟຟ້າກຳປູເຈຍ (EDC) ໂດຍໃຫ້ກຽດເຂົ້າຮ່ວມໂດຍ ທ່ານ ປ.ອ ດາວວົງ ພອນແກ້ວ ຫົວໜ້າຫ້ອງການກະຊວງ ພະລັງງານ ແລະ ບໍ່ແຮ່, ໂດຍຜ່ານຈຸດສາຍສົ່ງຈາກ ສະຖານີບ້ານຫາດ ແຂວງຈຳປາສັກ ຫາ ສະຖານີ   ສະຕັງແຕຣງ (ລາຊະອານາຈັກກຳປູເຈຍ), ເປັນຈໍານວນ 195 MW ເຊິ່ງໄລຍະເວລາສັນຍາການຊື້-ຂາຍ ແມ່ນ 25 ປີ ແລະ ຈະເລີ່ມນຳສົ່ງກະແສໄຟຟ້າ ນັບແຕ່   ປີ 2021 ເປັນຕົ້ນໄປ.